رولات البيتنجان بالكفته جديدة وسهلة. اكتشفوا وصفة، بطريقة تحضير واضحة، مقادير دقيقة، وصور رائعة.
- بيتنجانه حجم كبير
- 0.5 كيلو لحمه كفته
- كيلو بندوره
- بصله سنين توم
- ملح وفلفل وزنجبيل ناعم رشه قرفه بهارات لحمه
- 1 اول شي منقطع البيتنجانه شرحات بلعرض وتكون رفيعه ومنقليها بزيت غزير بس تاخد لون خفيف يعني مو قلي كامل منرفعن على ورق مطبخ ومنتركن يبردو
- 2 منتبل الكفته بلبهارات ومنعملها اصابع
- 3 منقطع البصله ناعمه ومنهرس التوم ومنقليهم بشويه زيت بفرم البندوره ناعمه كتييير او بلخلاط بتصير متل الصوص وبصب البندوره ع البصل وبضيف ملح وفلفل وبترك الصلصه تتسبك شوي
- 4 بفرد قطعه بيتنجان وبحط بقلبها اصبع كفته وبلفها
-
5
بجاط بيركس بحط شوي من الصلصه وبصف قطع البيتنجان الملفوفه والمحشيه
-
6
وبحط كماله الصلصه على وجه البيتنجان وبغطي الجاط وبدخلو فرن حامي مده نص ساعه على الرف الاوسط بطالعها وبقدمها مع رز بشعيريه وبلعافيه
يجب عليك تسجيل الدخول لتتمكن من التعليق وإضافة تجربتك لهذه الوصفه
